Општина Чучер-Сандево оваа година за прв пат организира настан посветен на празничната магија на Новата година. Целта е сите заедно да се забавуваме и да го почувствуваме духот на празниците.
Настанот ќе се одржи на 30 декември (вторник) со почеток во 18:00 часот во с.Мирковци.
Подготвена е богата програма за најмладите, но и за постарите:
- Сликање со Дедо Мраз и пакетчиња за децата
- Забавни маскоти
- Новогодишен базар со рачно изработени производи
- Музички дел со настап на Благица Ѕунзуровска
Општината ги повикува сите жители да се придружат и да ја почувствуваат празничната атмосфера заедно.
Секоја чест за ваквите настани!
Единствено жалиме што оваа информација досега беше објавена единствено на официјалниот Facebook профил на градоначалникот на Општина Чучер-Сандево, г. Зоран Бајовски. Се надеваме дека со оваа објава ќе придонесеме сите жители да останат информирани и навремено да се приклучат на настанот.
